2016 jylǵy 29 maýsym №194 Astana qalasy
«Úzdik sport jýrnalısi» ataǵyn berý qaǵıdalaryn bekitý týraly»
Qazaqstan Respýblıkasy Sport jáne dene shynyqtyrý isteri agenttigi tóraǵasynyń
2014 jylǵy 28 shildedegi № 291 buıryǵyna ózgeris engizý týraly
«Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasynyń Zańynyń 7-babynyń 46) tarmaqshasyna sáıkes buıyramyn:
1. «Úzdik sport jýrnalısi» ataǵyn berý qaǵıdalaryn bekitý týraly» Qazaqstan Respýblıkasy Sport jáne dene shynyqtyrý isteri agenttigi Tóraǵasynyń 2014 jylǵy 28 shildedegi № 291 buıryǵyna (Normatıvtik quqyqtyq aktileri memlekettik tirkeý tiziliminde № 9678 bolyp tirkelgen, 2014 jylǵy 3 qyrkúıekte «Ádilet» aqparattyq-quqyqtyq júıesinde jarııalanǵan) mynadaı ózgeris engizilsin:
kórsetilgen buıryqpen bekitilgen «Úzdik sport jýrnalısi» ataǵyn berý qaǵıdalary osy buıryqtyń qosymshasyna sáıkes redaksııada jazylsyn.
2. Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti (E.B. Qanaǵatov):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde tólnusqasyna tolyq sáıkes keletin onyń grafıkalyq formattaǵy kóshirmelerin «Ádilet» aqparattyq-quqyqtyq júıesinde resmı jarııalaý úshin joldaýdy;
3) osy buıryq memlekettik tirkelgennen keıin kúntizbelik on kún ishinde osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondy jáne qaǵaz túrindegi kóshirmelerin resmı jarııalaý úshin, Qazaqstan Respýblıkasy normatıvtik quqyqtyq aktileriniń etalondyq baqylaý bankine, Qazaqstan Respýblıkasynyń Normatıvtik quqyqtyq aktileriniń memlekettik tizilimine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy;
4) osy buıryq resmı jarııalanǵannan keıin kúntizbelik on kún ishinde Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
5) osy tarmaqpen kózdelgen is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy
Mádenıet jáne sport mınıstri
A.MUHAMEDIULY
«KELISILGEN»
Qazaqstan Respýblıkasynyń
Aqparat jáne kommýnıkasııalar mınıstri
____________ D.ABAEV
2016 jylǵy 29 maýsym
Qazaqstan Respýblıkasy Mádenıet jáne sport mınıstriniń
2016 jylǵy 29 maýsymdaǵy №194 buıryǵyna qosymsha
Qazaqstan Respýblıkasy Sport jáne dene shynyqtyrý isteri agenttigi tóraǵasynyń
2014 jylǵy 28 shildedegi № 291 buıryǵymen bekitilgen
«Úzdik sport jýrnalısi» ataǵyn berý qaǵıdalary
1. Jalpy erejeler
1. Osy «Úzdik sport jýrnalısi» ataǵyn berý qaǵıdalary (budan ári – Qaǵıdalar) «Úzdik sport jýrnalısi» ataǵyn berýdiń tártibin aıqyndaıdy.
2. Osy Qaǵıdada mynadaı uǵymdar paıdalanylady:
1) konkýrsqa qatysýshy – Qazaqstan Respýblıkasynyń buqaralyq aqparat quraldarynda (budan ári - BAQ) sporttyq jarystardy, sporttyq is-sharalardy jarııa etýde aıtarlyqtaı eleýli úles qosqan osy Qaǵıdalarǵa sáıkes konkýrsqa qatysý úshin qujattardy usynǵan, dene shynyqtyrýdy damytýǵa eleýli eńbek sińirgen BAQ ókili;
2) syıaqy - jeńgen konkýrsqa qatysýshyǵa óteýsiz beriletin aqshalaı qarajat.
2. Ataq berýdiń tártibi
3. «Úzdik sport jýrnalısi» ataǵyn berý úshin dene shynyqtyrý jáne sport salasyndaǵy ýákiletti organ (budan ári – ýákiletti organ) «Úzdik sport jýrnalısi» konkýrsyn (budan ári – konkýrs) ótkizedi, onyń maqsaty qazaqstandyq sport jýrnalıstıkasynyń sapasyn jáne BAQ-ta sporttyq aqparattardy taratýdyń mádenı deńgeıin arttyrý bolyp tabylady.
4. Konkýrs jyl saıyn jeltoqsan aıynyń ekinshi jartysynda úsh nomınasııa boıynsha ótkiziledi:
1) «Úzdik televızııalyq reportaj»;
2) «Úzdik jarııalanym»;
3) «Úzdik fotoreportaj».
5. Konkýrs ótkizý týraly habarlandyrýdy ýákiletti organ BAQ-ta jarııalaıdy, sondaı-aq ýákiletti organnyń ınternet-resýrsynda jyl saıyn 10 qarashaǵa deıin keshiktirilmeı ornalastyrady.
Habarlandyrý konkýrstyń ataýyn, konkýrsqa qatysý úshin qujattardy qabyldaý ornyn, konkýrsqa qatysý úshin qujattardy qabyldaýdy bastalý men aıaqtalý kúnin, konkýrs týraly qosymsha aqparatty alý úshin ýákiletti organnyń baılanys derekterin qamtıdy.
6. Konkýrsqa qatysý úshin ýákiletti organǵa myna qujattar usynylady:
1) bir nomınasııa boıynsha konkýrsqa qatysý úshin erkin nysandaǵy ótinish;
2) konkýrsqa qatysýshynyń shyǵarmashylyq qyzmetiniń qysqasha sıpattamasy;
3) sportshyǵa nemese sporttyq oqıǵaǵa arnalǵan, efırge shyqqan jáne/nemese baspa nemese elektrondy BAQ-ta aǵymdaǵy jyl ishinde jaryq kórgen jumys. Jumys qaǵaz jáne elektrondy tasyǵyshta (vıdeomaterıal, aýdıomaterıal, jarııalanym (baspa nemese elektrondyq danasy), fotojumys (fotoreportaj) usynylady.
Bir konkýrsqa qatysýshy tek bir nomınasııa boıynsha konkýrsqa qatysý úshin jumys usyna alady.
7. Komıssııa tóraǵany, tóraǵa orynbasaryn qosa alǵanda keminde on bir adam esebinde múshelerdiń taq sanynan turady. Komıssııa hatshysy onyń múshesi bolyp tabylmaıdy.
8. Ýákiletti organ komıssııa myna qurady, ol:
1) myna krıterııleri boıynsha usynylǵan qujattardy qaraıdy:
«Úzdik sporttyq televızııalyq reportaj» nomınasııasy boıynsha - jýrnalıstiń saýatty aýyzsha sóılegen sózi, sıýjettiń dramatýrgııasy, vıdeoqatardyń sapasy, stendaptyń, kadrdan tys mátinniń oryndylyǵy;
«Úzdik sporttyq jarııalanym» nomınasııasy boıynsha - tildiń saýattylyǵy, naqtylyǵy, sóz saptaýdyń túpnusqalyǵy, avtorlyq berý, sıýjettiń dramatýrgııasy;
«Úzdik sporttyq fotoreportaj» nomınasııasy boıynsha – qarqyndylyǵy, standartty emes kórkem sheshimi, ónertapqyshtylyǵy men kreatıvtiligi, beınesiniń sapasy;
2) konkýrsqa qatysýshylardyń arasynda jeńimpazdy anyqtaıdy jáne «Úzdik sport jýrnalısi» ataǵyn beredi.
9. Komıssııanyń otyrysy eger onda komıssııa músheleriniń jalpy sanynyń keminde 2/3 qatyssa zańdy dep sanalady. Komıssııanyń qatyspaǵan múshelerin aýystyrýǵa jol berilmeıdi.
10. Ár nomınasııa boıynsha konkýrsqa qatysýshylardyń arasynda jeńimpazdy aıqyndaý jáne «Úzdik sport jýrnalısi» ataǵyn berý týraly komıssııanyń sheshimi qatysyp otyrǵan komıssııa músheleriniń kóp daýysymen qabyldanady. Daýystar teń bolǵan jaǵdaıda, tóraǵalyq etýshiniń daýysy sheshýshi bolyp tabylady.
11. Komıssııanyń sheshimi hattamamen resimdeledi.
12. Ár nomınasııa boıynsha jeńimpazdarǵa «Úzdik sport jýrnalısi» ataǵy jáne «Jazýshy Seıdahmet Berdiqulovty atyndaǵy syılyq tapsyrylady.
3. Qorytyndy ereje
13. Konkýrs jeńimpazdaryn marapattaý úshin qajetti qarajat respýblıkalyq bıýdjet esebinen Seıdahmet Berdiqulov atyndaǵy júldeni tóleýge bólingen 50 aılyq eseptik kórsetkish mólsherindegi qarajat sheńberinde júzege asyrylady.
14. Konkýrstyń nátıjeleri týraly aqparat ýákiletti memlekettik organnyń ınternet-resýrsynda ornalastyrylady jáne konkýrs ótkizilgennen keıin 10 jumys kúni ishinde BAQ-ta jarııalanady.
Buıryq Qazaqstan Respýblıkasynyń Ádilet mınıstrliginde 2016 jylǵy 29 shildedegi Normatıvtik quqyqtyq kesimderdi memlekettik tirkeýdiń tizilimine №14043 bolyp engizildi.